कुंभोज वार्ताहर/आकाश शिंदे
हातकणंगले (Hatkangale) तालुक्यातील नेज (Nej) ग्रामपंचायतीमध्ये जनसेवा ग्राम विकास आघाडी च्या दिपाली सदाशिव गोंधळी यांची सरपंच पदी निवड झाली तर उपसरपंचपदी मनोज धोंडीराम कांबळे यांची निवड करण्यात आली. निवडणूक निर्णय अधिकारी विलास पाटील यांच्या अध्यक्षतेखाली झालेल्या सदस्यांच्या बैठकीमध्ये गुप्त पद्धतीने आठ विरुद्ध तीन असे मतदान झाले यावेळी जनसेवा ग्राम विकास आघाडी जन सेवाग्राम विकास आघाडीकडून सरपंच पदासाठी दिपाली सदाशिव गोंधळी व उपसरपंच पदासाठी मनोज धोंडीराम कांबळे यांनी अर्ज दाखल केला होता तसेच लोकराज्य आघाडीकडून सरपंच पदासाठी आकाश बाबासाहेब शिंगे व उपसरपंच पदासाठी सदाबाई गोपाळ कांबळे यांनी अर्ज दाखल केला होता.
यावेळी जनसेवा ग्रामविकास आघाडीचे गटनेते माजी पंचायत समिती सदस्य बी. जे. पाटील, (BJP) भाजपचे जिल्हा कार्यकारणी सदस्य बाळासाहेब गारे, माजी सरपंच रवींद्र खोत, सुनील देशमुख, बाबासो नकाते, बाळासो चव्हाण, यांच्यासह इतर सदस्य व आघाडीचे कार्यकर्ते उपस्थित होते.
