हातकणंगले /प्रतिनिधी
कराड (जि. सातारा ) येथून 2018 साली चोरीस गेलेली मोटरसायकल हातकणंगले पोलिसांनी एस.टी. स्टँडसमोर पकडली. या गुन्ह्यातील संशयित आरोपी शिवाजी हंबीरराव शेळके (वय वर्ष ३२, रा. तारदाळ रोड हातकणंगले) याला पोलिसांनी घेवुन कराड पोलिसांच्या ताब्यात दिले असून आणखी गुन्हे उघडकीस येण्याची शक्यता असल्याचे पोलिसांकडून सांगण्यात आले.
याबाबत अधिक माहिती अशी की हातकणंगले पोलीस स्टेशनचे पोलीस वाहतूक नियमन व covid-19 च्या अनुषंगाने तपासणी करत असताना नंबर प्लेट नसलेली एक मोटारसायकल थांबवली. त्याचा नंबर एम एच -11 अेएक्यू 1133 असल्याचे संशयित शिवाजी हंबीरराव शेळके यांनी सांगितले .
अधिक चौकशी केली असता व ई चलन मशीनवर नंबर टाकला असता सदरची मोटरसायकल नरेंद्र पटेल (रा. बुधवार पेठ , कराड ) यांची असल्याचे निदर्शनास आले . तात्काळ कराड पोलीस स्टेशनकडे चौकशी केली असता . 2018 साली मोटरसायकल चोरीस गेले असल्याचा गुन्हा नोंद असल्याचे सांगितले . यावरून मोटरसायकल चोरीची असल्याचे स्पष्ट झाले . हा गुन्हा पो.नि. अशोक भवड यांच्या मार्गदर्शनाखाली पोलीस कॉन्स्टेबल अतुल निकम , प्रकाश लाड , होमगार्ड मुजावर व नरुटे यांनी उघडकीस आणला . पुढील तपास कराड पोलीस करीत आहेत.