कोल्हापूर / प्रतिनिधी
दिपक शेटे यांची पुस्तके शालेय स्तरावर विद्यार्थ्यांना संजीवनी देणारे आहेत. त्यांनी आपल्या पुस्तकात वापरलेले तंत्रज्ञान हे भविष्यातील पुस्तके निर्मितीस चालना व दिशा देणारे ठरणार आहे . दिपक शेटे यांनी आपली सर्व पुस्तके गृहराज्यमंत्री शंभूराजे देसाई यांना भेट म्हणून देताना त्यांनी हे उद्गार काढले .
दिपक शेटे हे शिक्षक असुन महाराष्ट्र राज्य शिक्षक सेनेच्या कोल्हापूर जिल्ह्याचे कार्याध्यक्ष म्हणून कार्यरत आहेत . जिल्हाध्यक्ष विजय देवणे यांनी आपल्या मनोगतात दीपक शेटे यांनी पदवीधर व शिक्षक निवडणुकांमध्ये केलेले योगदानाचा उल्लेख केला. व त्यांच्या शैक्षणिक कार्यास शुभेच्छा दिल्या .दिपक शेटे हे गेली वीस वर्ष गणित अध्यापनाचे कार्य करत आहेत त्यांच्या शाळेचा दहावीचा गणित विषयाचा निकाल अत्यंत उत्कृष्टपणे दर वर्षी लागतो . त्यांनी गणिताची सात पुस्तके व दोन नाटके लिहिले आहेत. शेटे हे गणितात विविध उपक्रम राबवत असतात. त्यांची उपक्रमशील शिक्षक म्हणून सुद्धा वेगळी ओळख आहे . दहावीची गणित पुस्तक एका पानात तयार करणारे तंत्रस्नेही दीपक शेटे अशी त्यांची ओळख आहे .त्यांनी अंकवेल, गणित मांडणीचे शुद्धलेखन , मॅथेमॅटिक्स रुलर्स अँण्ड फॉर्मुलाज, गणित कोश , एलईडी ,गणित नियम व सूत्रे, दहावीचे पुस्तके एका पानात अशी पुस्तके लिहिली आहे. त्यांनी किल्ली भूमितीची व रामानुजन जीवन अशी दोन नाटकेही लिहिली आहेत .
महाराष्ट्र बुक रेकॉर्डमध्ये त्यांची नोंद आहे .त्यांना आजअखेर एक राष्ट्रीय व 18 इतर पुरस्कारांनी सन्मानित केले आहे .यावेळी गृहराज्यमंत्री शंभूराजे देसाई , खासदार धैर्यशील माने , खासदार संजय मंडलिक , प्रकाश आबिटकर , उल्हास पाटील, जिल्हाध्यक्ष विजय देवणे, जिल्हाध्यक्ष मुरलीधर जाधव ,शिक्षक सेनेचे उपाध्यक्ष सतीश लोहार आदी मान्यवर उपस्थित होते .