वडगांव / प्रतिनिधी
वडगाव विद्यालय, ज्युनिअर कॉलेज वडगावमध्ये मुली व महिलांसाठी आरोग्य शिबिर संपन्न झाले. श्रीमती सुशिलादेवी मल्हारराव देसाई युवती सचेतना फाऊंडेशन यांच्या अंतर्गत नारी सिद्धी फाऊंडेशन कोल्हापूर यांच्या वतीने मुली व महिलांसाठी आरोग्य शिबीर घेण्यात आले. या शिबिरात नारी सिद्धी फाऊंडेशनच्या संचालिका सुवर्णा बोडके, राधिका निकम, सुजाता पोतदार आदी मान्यवरांनी महिलांना होणाऱ्या गर्भाशयाच्या कॅन्सरची विविध कारणे व त्यावरील उपाय या संदर्भात मार्गदर्शन केले व विद्यार्थिनींच्या विविध प्रश्नांचे निराकरण केले.
शिबिरासाठी संस्थेच्या अध्यक्षा प्रा.डॉ.मंजिरी अजित मोरे-देसाई यांचे विशेष मार्गदर्शन लाभले. याप्रसंगी मुख्याध्यापक आर.आर.पाटील उपमुख्याध्यापक एस.डी.माने, पर्यवेक्षक डी. के. पाटील, ज्येष्ठ शिक्षक डी. एस. कुंभार आदी मान्यवरासह विद्यालय व महाविद्यालयातील सर्व शिक्षिका उपस्थित होत्या. सूत्रसंचालन एस.ए. पाटील यांनी केले. तर आभार अध्यापिका एस. आर. पाटील यांनी मानले.