हातकणंगले/ प्रतिनिधी
कोल्हापूर -सांगली मार्गावर मौजे वडगाव व हेरले फाट्यावरती रस्त्याच्या लगत लाकडी फळी डेपोतील फळ्यांचा ढिग व्यापाऱ्यांने अतिक्रमण करून रस्त्यावर टाकला आहे. त्या अतिक्रमणाचा वहातुकीला अडथळा निर्माण झाला असून त्या फळ्यामधील खिळे-मोळे रस्त्यावर टाकले जात आहेत. त्यामुळे वाहने पंक्चर होत असून वाहतुकीस अडथळा व धोकादायक ठरत आहेत. या अतिक्रमणाकडे हातकणंगले बांधकाम विभागाने जाणुन बुजुन अक्षम्य दुर्लक्ष केले असुन त्यात काही अर्थ दडलाय काय अशी संतापजनक चर्चा वाहनधारकांतुन होत असुन फळ्यांचे अतिक्रमण तात्काळ काढुन घेण्याची मागणी होत आहे.
सांगली राज्य मार्गावरील मौजे वडगाव फाटा येथील वाहतुकीस अडथळा व धोकादायक ठरत असलेला फळयांचा ढिग….कोल्हापूर-सांगली राज्यमार्गावर मौजे वडगाव व हेरले गावभाग फाट्यावरती फळ्यांचा डेपो आहे. त्यातील काही फळ्या ,बडोदे, लाकडी चक्र रस्त्यावरच टाकले असल्याने वाहतुकीस अडथळा ठरत आहे. तसेच या फळ्यांना मोठे खिळे – मोळे असल्याने वाहने पंक्चर होत आहेत. रस्त्यालगतच फळ्यांचे ढिग असल्याने वाहनांना ओव्हरटेक करताना साईड पट्टीवरती खाली घ्यायला अडचण ठरत आहे. हेरले फाट्यानजीकही असाच लाकडी फळ्यांचा डेपो आहे. त्याही फळ्या रस्त्या लगतच टाकले असल्याने वाहतुकीस अडथळा ठरून या फळ्यांतील खिळ्या मोळ्यामुळे अनेक वाहने पंक्चर होत आहेत.
सांगली राज्य मार्गावरील मौजे वडगाव फाटा येथील वाहतुकीस अडथळा व धोकादायक ठरत असलेला फळयांचा ढिग….तरी सार्वजनिक बांधकाम विभाग, हातकणंगले पोलीस ठाणे,एमआयडीसी पोलीस ठाणे प्रशासनाने या दोन्ही फळ्यांच्या डेपो मालकास रस्त्यापासून सार्वजनिक बांधकाम विभागाच्या नियमाप्रमाणे फळ्यांचा डेपो काढण्यासाठी सूचना देऊन वाहतूकीस धोकादायक व अडथळा ठरणाऱ्या समस्यांचे निराकरण करावे. अशी मागणी प्रवासी वर्गातून होत आहे