जयसिंगपूर /ताः २४
कोरोना बाधितांची दिवसेंदिवस वाढत चाललेली संख्या विचारात घेवुन कोल्हापूर जिल्ह्यामध्ये सध्या अस्तित्वात असलेल्या शासकीय टेस्टिंग लॅब वरती स्वॅब तपासणीसाठी ताण पडत आहे . चाचणीसाठीच्या सॅम्पल्स वाढल्यामुळे रुग्णांना तातडीने रिपोर्ट देणे. उपचार करणे गैरसोयीचे ठरत आहे . आरोग्य विभागाने महाराष्ट्रामध्ये अनेक ठिकाणी पर्यायी व्यवस्था उभारण्यास सुरुवात केली आहे. तसेच जयसिंगपूर येथे कोल्हापूर रोडवरील डॉ.जे. जे. मगदूम चॅरिटेबल ट्रस्टच्या डॉ. मोदी हॉस्पिटलमध्ये सुरु होत असलेले अॅंन्टेजीक टेस्टिंग सेंटर याचाच भाग असल्याची माहिती सार्वजनिक आरोग्यमंत्री राजेंद्र पाटील- यड्रावकर यांनी जयसिंगपूर येथे टेस्टिंग सेंटर सुरू करण्याच्या प्रसंगी बोलत होते.
यावेळी जिल्हा शल्यचिकित्सक डॉ. बी. सी. केंम्पी पाटील, प्रांताधिकारी विकास खरात, तहसीलदार अपर्णा मोरे -धुमाळ प्रमुख उपस्थित होते
जिल्हा शल्य चिकित्सक डॉ. बी.सी.केंम्पी पाटील म्हणाले , आरोग्य विभागाच्या वतीने या ठिकाणी विनामूल्य सेवा दिली जाणार आहे . अगदी कमी वेळेमध्ये कोरोनाचे निदान होण्यासाठी या टेस्टिंग सेंटरचा उपयोग होईल . या सेंटरमुळे आरोग्य प्रशासनावरील ताण कमी होऊन नागरिकांना अल्पावधीत टेस्टिंग चा अहवाल प्राप्त होणार आहे . त्यामुळे कोरोना बाबतची प्राथमिक लक्षणे आढळल्यास नागरिकांनी तातडीने या टेस्टिंग सेंटरमध्ये संपर्क साधावा . असे आवाहनही त्यांनी यावेळी केले.
तालुका आरोग्य अधिकारी डॉक्टर दातार, गटविकास अधिकारी कवितके , डॉ. जे. जे. मगदूम चॅरिटेबल ट्रस्टचे प्रमुख विजय मगदूम, शिरोळचे नगराध्यक्ष अमरसिंह माने -पाटील, जयसिंगपूरच्या नगराध्यक्षा डॉ. नीता माने, जयसिंगपूर प्राथमिक आरोग्य केंद्राचे डॉ. खटावकर यांच्यासह इंडियन मेडिकल असोसिएशनचे पदाधिकारी डॉक्टर्स तसेच आरोग्य विभागाकडील अधिकारी व मान्यवर उपस्थित होते.
