पाटण / प्रतिनिधी
सुरूल (ता.पाटण) येथील हणमंत निवृत्ती संकपाळ (वय ४६ वर्षे ) व सौरभ हणमंत संकपाळ (वय 20 वर्ष ) हे सायंकाळी साडेसहाच्या दरम्यान आपल्या मोटर सायकल एम एच ११ एस ०३५९ ने सुरुल वरुन पाटणला जात असताना सुरुल (ता. पाटण ) येथील ज्ञानदेव तुकाराम संकपाळ यांच्या घरासमोर पाटणकडून येणारी रिक्षा क्रमांक MH-50 ; M-0670 ही भरधाव वेगात रॉंगसाईडने येऊन रिक्षाचालक अधिक रमेश देसाई (रा. पाटण ता. पाटण ) याने दारुच्या नशेत विरुध्द दिशेने येवून मोटारसायकला जोरदार धडक दिल्याने मोटरसायकलवरील हणमंत निवृत्ती संकपाळ यांच्या पायाला ,तोंडाला व डोक्याला गंभीर दुखापत झाली आहे .
मोटरसायकलच्या पाठीमागे बसलेला त्यांचा मुलगा सौरव हणमंत संकपाळ याला किरकोळ दुखापत झाली आहे . तर हणमंत संकपाळ यांच्या पायाला , तोंडाला व डोक्याला जबर मार लागल्याने ते गंभीर जखमी झाल्याने त्याना तातडीने उपचारासाठी कराड येथील कृष्णा चारिटेबल हॉस्पिटलला दाखल करण्यात आले आहे . याबाबतची फिर्याद सौरभ हणमंत संकपाळ यानी पाटण पोलीस स्टेशनला दिली असुन पाटण पोलिस ठाण्यात गुन्हा दाखल करण्यात आला आहे . पुढील तपास सहाय्यक फौजदार एस. आर . कोळी करीत आहेत.