पेठ वडगांव / प्रतिनिधी
राज्यात कार्यरत असलेल्या महाराष्ट्र राज्य शारीरिक शिक्षण व क्रीडा शिक्षक महासंघाची राज्यस्तरीय कोअर कमिटीची बैठक राजेंद्र कोतकर यांच्या अध्यक्षतेखाली ऑनलाइन पार पडली . पाच सप्टेंबर शिक्षक दिनी झालेल्या ऑनलाइन सभेमध्ये राज्यस्तरीय कोअर कमिटीचे नूतनीकरण करण्यात आले. यामध्ये मिणचे (ता. हातकणंगले ) येथील आदर्श विद्यानिकेतन क्रीडा शिक्षक शिवाजी पाटील यांची कोल्हापूर जिल्ह्यातून कोअर कमिटीमध्ये निवड करण्यात आली. शारीरिक शिक्षणातील व क्रीडा क्षेत्रातील त्यांच्या कार्याची दखल घेत त्यांना शारीरिक शिक्षण महासंघात काम करण्याची संधी उपलब्ध करून देण्यात आली आहे.
निवडीवर प्रतिक्रिया देत असताना शिवाजी पाटील यांनी शारीरिक शिक्षण व क्रीडा क्षेत्रात निर्माण होत असणाऱ्या अडचणी सोडविण्यासाठी या पदाचा नक्कीच वापर होईल असा आशावाद व्यक्त केला. त्यांच्या निवडीचे सर्वत्र कौतुक होत आहे . क्रीडा क्षेत्रात काम करत असताना त्यांना प्राचार्य डी एस घुगरे, मनोहर परीट, अजित पाटील, राजेंद्र कोतकर तसेच जिल्ह्यातील शारीरिक शिक्षकांचे सहकार्य लाभले.