कोल्हापूर जिल्ह्यातील धरण क्षेत्रात पावसाचा जोर कायम आहे. आज सकाळी ८.१५ वाजता राधानगरी धरणाचा सहा नंबरचा एक दरवाजा उघडला. याबाबतची माहिती जिल्हा प्रशासनाकडून देण्यात आली आहे. (Kolhapur Rain) आज २६ जुलै रोजी सकाळी ८.१५ वाजता स्वयंचलित द्वार क्रमांक ६ उघडले आहे. धरणाचा एकूण १ दरवाजा उघडला आहे. या एक दरवाज्यातून १४२८ क्यूसेक विसर्ग सुरु आहे.
नविन माहितीनूसार आज सकाळी (दि.२६) ९.१० वाजता राधानगरी धरणाचा आणखी एक स्वयंचलित दरवाजा उघडण्यात आला आहे. या दरवाजातून 1428 क्युसेक्स व धरणातून खासगी वीजनिर्मितीसाठी 1400 क्यूसेक्स असा एकूण 2828 क्युसेक पाण्याचा विसर्ग होत आहे. धरणात पाणी पातळी ३४७.३६ फूट इतकी झाली आहे. 347.50 फूट पाणी पातळीला धरण पूर्ण क्षमतेने भरते.पावसाचा जोर वाढल्यास धरणाचे आणखी दरवाजे खुले होण्याची शक्यता असून नदीपात्रात मोठ्या प्रमाणात वाढ होणार आहे. त्यामुळे नदीकाठच्या नागरिकांनी सतर्क राहावे असे आवाहन पाटबंधारे विभागाचे उपअभियंता प्रवीण पारकर यांनी केले आहे.
